08 Қыркүйек 2026

16

🎉 Арқалық қаласының 70 жылдығы құтты болсын!

Қаламыздың мерейлі 70 жылдық мерейтойы аясында қала әкімі бірқатар азаматтарды елге сіңірген еңбегі мен абыройлы қызметі үшін марапаттады. 🏅

Марапатталғандардың қатарында «Арқалық қаласындағы дала өлкесі тарихы облыстық музейі» КММ басшысы Қасжанов Нұрлыбек Сапабекұлы, реставратор Ұзақов Сапарбек Әбілбекұлы және Хасенова Рая Мүслімқызы бар.

Бұл марапат – туған жердің тарихы мен мәдениетін сақтау, музей саласын дамыту жолындағы еселі еңбектеріңізге берілген лайықты баға.

Құрметті әріптестерімізді мерекелік төсбелгілерімен шын жүректен құттықтаймыз! 💐
Еңбектеріңіз еленіп, абырой-беделдеріңіз арта берсін! Ел игілігі жолындағы қызметтеріңізге толағай табыс, шығармашылық шабыт және биік белестер тілейміз! ✨

Арқалықтың 70 жылдық мерейтойы құтты болсын! 💙

23 Июнь 2026

22

Бүгін ақпан айының үшінші жұлдызында Арқалық қаласындағы дала өлкесі тарихы облыстық мұражайының экскурсия жетекшісі Алдамжарова Ақбота Меңдешқызы Мұқағали Мақатаевтың 95 жылдығына орай ұйымдастырылған «Поэзия патшасы-Мұқағали» атты көркемсөз шеберлерінің байқауынан жүлделі 2 орын алуымен шын жүректен құттықтаймыз. Сізге сарқылмайтын шабыт, алдағы жолыңызда толағай табыс тілейміз.
Ізгі ниетпен: Арқалық қаласындағы дала өлкесі тарихы облыстық музей ұжымы.

04 Қараша 2025

109

Астана қаласында өткен “Адамзаттың бәрін сүй!” атты республикалық айтыста бас жүлдені жеңіп алып, “Алтын домбыра” иегері атанған айтыстың ақтаңгері Қалиев Айбек Киікбайұлын шын жүректен құттықтаймыз!  Нұрхан мен Омар, Қонысбай мен Әсия секілді халық ақындарының лайықты ізбасары бола білген ақтаңгер ақынның бұл жеңісі Тобыл-Торғай жұртшылығы үшін сүйіншілі хабар, қуанышты жаңалық. Ұлтымыздың саф өнерінің дамуына зор үлес қосып, мәдениетіміздің мәртебесін көтеріп жүрген Айбек Киікбайұлына алдағы уақытта да шығармашылық табыс пен асқар асулар тілейміз!

05 Июнь 2025

101

Мұражай қызметкерлері күніне орай марапат! 18 мамыр — Халықаралық мұражайлар күні мен 21 мамыр мәдениет және өнер қызметкерлерінің күніне орай Арқалық қаласындағы дала өлкесі тарихы облыстық мұражайының қызметкерлері бірқатар марапаттарға ие болды. Атап айтқанда: Мадақтама қағазымен: Калиева Азия Набиевна Нуркеева Айман Шокпытовна Жунусов Аскарбек Бекетович Бекхожина Салтанат Сакеновна Құрмет грамотасымен: Айткулова Айнагуль Бопаевна Шаяхметова Кулмай Тубекбаевна Байзакова Камара Ермаковна Шактаева Гайни Адаевна Мухатина Гулайла Тайжановна «Еңбек даңқы» төсбелгісімен: Бекентаев Болат Искендирович Ильгасова Айслу Сарсинбаевна Узаков Сапарбек Абилбекович Мухатин Боранбай Темирбаевич Құрмет грамотасымен: Сардарова Асем Исаевна Сансызбаев Елжан Жүнісұлы “Мәдениет саласының кәсіподақ үздігі” төсбелгісімен: Абильтаев Муратбек Альжанович марапатталды. Марапат иелері – адал еңбегімен ерекшеленіп, ұжымның қоғамдық өміріне белсене араласқан жандар. Іс-шара Арқалық қаласындағы Қазақ жасөспірімдер театрында салтанатты түрде өтті. Барша әріптестерімізді шын жүректен құттықтаймыз!

13 Май 2025

119

Арқалық қаласындағы дала өлкесі тарихы облыстық мұражайының суретші-реставраторы Ұзақов Сапарбек Әбілбекұлын ҚР Мәдениет саласының үздігі атануымен шын жүректен құттықтаймыз.
Сапарбек Әбілбекұлы көне заманнан жеткен жәдігерлердің қайта жаңғыруына, халқымыздың асыл мұраларының сақталуына зор үлесін қосып келеді. Тәжірибелі маман теріден, ағаштан, металдан, қыштан жасалған бұйымдарды қалпына келтіруде әр затттың жасалу материалына байланысты өзіндік әдіс-тәсілдерін қолданады.
Музей қорындағы Ә.Қастеев, С.Бакашев, Н.Нестерова секілді атақты суретшілердің қолына шыққан картиналардың бастапқы қалпын сақтауына да қосқан еңбегі бар. Өтей батырдың портретін салу барысында үлкен еңбек етті. Бұл портрет өз өңіріміздегі музейлермен қатар Атырау облыстық тарихи музейіне, Қазақстан ұлттық музейіне, Қазақстан әскери-тарихи музейіне, Қазақстан орталық мемлекеттік музейіне табысталған.
Абай Құнанбайұлы, Ахмет Байтұрсынұлы, Аманкелді Иманов, Жұмабай Шалабайұлы, Нұржан Наушабаев, Қайнекей Жармағанбетов, Өзбекәлі Жәнібеков сынды біртуар тұлғалардың мүсіндерін сомдаған.
Қазақстан суретшілер одағының мүшесі, Ы.Алтынсарин атындағы Арқалық педагогикалық институтының доценті.
Мұражай ұжымы Сапарбек Әбілбекұлына алдағы уақытта да толағай табыстар мен жемісті еңбек тілейді.

14 Март 2024

92

Қостанай облысы әкімдігі мәдениет басқармасының ұйымдастыруымен өткен “Рухани қазына-2023” байқауында әріптесіміз Терек Рауан Абдуллажанұлы топ жарды. Рауан Абдуллажанұлы “Облыстық маңызы бар музейдің үздік қызметкері” номинациясын жеңіп алды.

Көбірек...

14 Март 2024

97

Мұражайымыздың суретші-реставраторы, белгілі мүсінші, “Қазақстан суретшілер одағының мүшесі” Ұзақов Сапарбек Әбілбекұлы республикалық байқауда топ жарып мәдениет саласының дамуына қосқан елеулі үлесі үшін “Қазақстан Республикасының мәдениет және өнер саласының үздігі” төсбелгісімен марапатталды.

Көбірек...

25 Қазан 2023

75

25-қазан “Республика күніне” орай адал еңбегі үшін әріптесіміз Терек Рауан Абдуллажанұлы облыс әкімі Құмар Ақсақаловтың “Құрмет грамотасымен” марапатталды. Рауан Абдуллажанұлын марапатымен құттықтай отыра, алдағы жұмысына толайым табыстар мен шығармашылық жетістіктер тілейміз!

03 Қазан 2023

74

Бұл кітапта 1916 жылғы ұлт-азаттық көтерілістің бас сардары болған Амангелді батырдың әулеті мен өзіне қатысты деректер, ел аузындағы өлең-жырлар мен естеліктер, құжаттар, батырға арналған музыкалық туындылар жинақталып берілген. Кітап өлкетанушылар мен жалпы оқырман қауымға арналған.

Көбірек...

03 Қазан 2023

77

30-тамыз Қазақстан Республикасының Конституция күніне орай Арқалық қаласындағы “Жастар ресурстық орталығының” ұйымдастыруымен өткен “Жүзден жүйрік” интеллектуалды сайысында мұражайымыздың ғылыми қызметкері Ернұр Әуезхан жүлделі 1-ші орынға ие болды. Құттықтаймыз!!!