Арқалық қаласындағы дала өлкесі тарихы облыстық мұражайының ғылыми қызметкерлері Кейкі батыр атындағы мектеп оқушыларына Сұлтан Бейбарыстың 800 жылдығына орай “Сұтан Бейбарыс-түркі әлеміне ортақ тұлға” атты тақырыпта тақырыптық лекция өткізді.

1-қазан “Қарттар күніне” орай мәдениет саласында жұмыс жасап, зейнетке шыққан ардагерлерді құттықтау үшін Ә.Боранбаев атындағы кинотеатрда мерекелік іс-шара өтті. Іс-шараны ұйымдастыруға қалалық мәдениет басқармасы мен ардагерлер кеңесі және мәдениет сарайы ұйытқы болды. Музей саласында қызмет атқарған ардагерлер де, осы кештен табылды. Іс-шара соңы концерттік бағдарламаға ұласып,ардагерлерге ән мен би шашулар ұсынылды. Сонымен қатар барша зейнеткерлерге естелік сыйлақтар табыс етілді.

10-тамыз “Абай күніне” орай Арқалық қаласындағы Дала өлкесі тарихы облыстық мұражайының қызметкерлері Арқалық қаласы, Абай даңғылында орналасқан Абай аллеясында қала тұрғындары мен қонақтарына ақынның өлеңдерін насихаттау жұмысын жүргізді.

Арқалық қаласындағы дала өлкесі мұражайы қала әкімі Асанов Әмірхан Біркенұлының бастамасымен жолға қойылған әр жұма сайын өткізілетін “Жаз-2023” думанынаның өтуіне ат салысты. Іс-шарада облыстық,қалалық театр мен кітапханаларда жұмыс жасайтын өнерпаздар қатысты. Аталған шарада мұражай ұжымының өнерпаздары бірнеше ән тарту етіп, кештің жүргізушісі болды. Осылайша облыстық,қалалық мәдениет ошақтарының қызметкерлері қала тұрғындары мен қонақтарына ерекше көңіл күй сыйлады.

Қаламызға қарасты Восточный мектебі және М.Әуезов атындағы нөмері 5 мектеп лагері оқушыларына мұражайымыздың құнды жәдігерлерінің бірі Сәукелеге тақырыптық лекция өткізілді. #balademalys2023

Шілде айының 1-ші жұлдызында Ұлттық домбыра күніне орай «Домбыраның күмбірі – бар қазақтың бірлігі» атты мерекелік бағдарлама ұйымдастырылып, Арқалық қаласы мен оның төңірегіндегі ауылдардан жиналған 1500 домбырашы бірлесіп 7 күйді орындап шықты. Аталмыш шараға Арқалық қаласындағы Дала өлкесі тарихы облыстық мұражайы да өз үлесін қосып, мұражай қорындағы музыкалық аспаптардан көрме жасақтап, келген көрермен назарына ұсынды.