“Музей және көркемөнер туындылары” мен Халық батыры Амангелді Имановтың 150 жылдық мерейтойы аясында “Ардагер Амангелдің ердің ері” атты көрменің тұсаукесері өтті. Көрменің лентасын белгілі қолөнер шебері, оюшы Бәйділдин Шөптібай Бәйділдәұлы мен еңбек ардагері, ұлағатты ұстаз Саламатов Қанжар Ғапбасұлы кесті. Сонымен қатар мұражай ұжымын қалалық мәслихаттың төрайымы Елтебаева Гүлбану Төкенқызы, Ы.Алтынсарин атындағы Арқалық педагогикалық институтының деканы, ф.ғ.к., ақын Қалиев Айбек Киікбайұлы, қалалық мәдениет және тілдерді дамыту бөлімі басшысының міндетін атқарушы Хамзина Гүлім Қуанышбекқызы және театр басшысы Нұрлыбек Сапабекұлы, кітапхана басшысы Қазына Байсабекқызы сынды мәдениет ошақтарының басшылары құттықтау сөз сөйлеп, жылы лебіздерін білдірді.

Қостанайда қаласында мәдениет және өнер қызметкерлері күніне орай өтіп жатқан салтанатты іс-шараның көрмесінде мұражай қорындағы жәдігерлеріміз бой түзеді.

Арқалық қаласындағы Дала өлкесі тарихы облыстық мұрайының бас қор сақтаушы Шактаева Ғайни Адайқызы Қазақстан Республикасы мәдениет және спорт министрлігі мен Қазақстан Республикасының ұлттық музейі ұйымдастыруымен Астана қаласында өткен “Музейдің қор сақтау қызметін ұйымдастыру; теориясы мен практикасы” атты симпозиумға қатысып, арнайы сертификатқа ие болды.

18 мамыр халықаралық музейлер күні қарсаңында Арқалық қаласындағы Дала өлкесі тарихы облыстық мұражайының қызметкерлері: зал қараушы Айткулова Айнагүл Бопайқызы, ғылыми қызметкер Абдильдина Әсел Кемелбайқызы, бас қор сақтаушы Шактаева Ғайни Адайқызы облыстық мәдениет басқармасы басшысының грамотасымен; кіші ғылыми қызметкер Әуезхан Ернұр Саянұлы қалалық мәдениет бөлімінің грамотасымен марапатталды. Мұражай басшысының м.а Мергенова Замзагул Қажымұқанқызы мұражай күзетшісі Құрманов Марат пен мұражайдың қызмет көрсету қызметкері Жүнісов Асқарбекке арнайы алғыс хат табыстады.

Қостанай қаласында Қостанай облысының әкімдігі мәдениет басқармасы алқасының кеңейтілген отырысы болып өтті.