Арқалық қаласындағы Әнуар Боранбаев атындағы кинотеатрда Дала өлкесі тарихы облыстық мұражайының ұйымдастыруымен Қазақстан Республикасының Халық әртісі, Қазақ КСР-інің еңбек сіңірген қайраткері Әнуар Боранбаевтың 75 жылдығына орай “Актер тағдыры” атты еске алу кеші өткізілді.

Сәуір айының 3-ші жұлдызында Астана қаласындағы Қазақстан Республикасы Ұлттық музейінде халық батыры, 1916 жылғы ұлт-азаттық көтерілістің сардарбегі Амангелді Имановтың 150 жылдығына арналған «Батырдың биік тұлғасы: тарихы, зерттелуі, ақиқаты» тақырыбында республикалық ғылыми-тәжірибелік конференция өтті.

12-сәуір “Ғарышкерлер күніне” орай қаламыздағы “Золотой ключик” балабақшасының бүлдіршіндеріне мұражайымыздағы ғарышкерлер топтамасы жәдігерлеріне экскурсия жұмыстары жүргізілді. Экскурсия қазақ және орыс тілінде жүргізілді. Сонымен қатар жалпы шолу экскурсия жұмыстары да атқарылды.

8-наурыз халықаралық әйелдер күні мерекесіне орай әлеуметтік желіде өз кәсіптерімен айналысып, блог жүргізу ісін қатар алып жүрген қаламыздың тұрғындары Раушан Бауыржанқызы, Динара Ғалымжанқызы, Гүлсая Мейрамханқызы сынды арулармен кездесу кеші өткізілді.

Облыстық мәдениет басқармасының қолдауымен Арқалық қаласындағы Дала өлкесі тарихы облыстық мұражайы жарыққа шығарған ”Ескі сөз-ел мұрасы”  кітабы елбасымыз Н.Ә.Назарбаевтың "Ұлы даланың жеті қыры"мақаласының негізінде қолға алынған жұмыстардың бірі.Жинақта негізінен жергілікті аймақтан , яғни Торғай өңірінен жинақталған мұралар берілген .Жобаның авторы мұражайдың ғылыми қызметкері Сағынтаев Батырлан Жұмабайұлы.

Бұл музыка антологиясында Тобыл-Торғай өңірінде ерте заманда өткен әнші-күйшілердің мұрасы жинақталып, небәрі 90 нота берілген. Қосымша бөлімде осы өңірдің музыкалық мұрасы жайлы жазылған мақалаларымыз бен Қапақ сал, Мұхамеджан Өтелбайұлы секілді он шақты өнерпаздың суреті берілген. Қостанай облысы әкімдігінің мәдениет басқармасының қолдауымен жарық көрген кітап 200 дана болып басылып шықты. Алғы сөзін белгілі жырау, Қазақстанның еңбек сіңірген қайраткері, Қазақ ұлттық өнер университетінің профессоры Алмас Алматов ағамыз жазған кітабымыздың ақылдастар алқасында мына кісілер болды: