Арқалық қаласы әкімдігінің мәдениет және тілдерді дамыту бөлімі мен Жастар азаматтық бастамалар орталығының ұйымдастыруымен халық батыры Амангелді Имановтың 150 жылдығына орай “Ерлігі-елге өнеге” атты аймақтық конференция өтті.

1-маусым халықаралық “Балаларды қорғау күніне” орай “Жас суретшілер” үйірмесінің бүлдіршіндері салған суреттер топтамасынан “Әрқашан күн сөнбесін” атты көрме қойылды.

Қостанай облыстық тарихи-өлкетану музейінде 31 мамыр саяси қуғын-сүргін және ашаршылық құрбандарын еске алу күніне орай «Ұлтымыздың ұлы ұстазы» тақырыбында дөңгелек үстел өткізіліп, оған отандық және шетелдік ғалымдар қатысты.

31 мамыр саяси қуғын-сүргін және ашаршылық құрбандарын еске алу күніне орай Алаш ардақтысы Ахмет Байтұрсынұлының алаңында іс-шара өтіп, зұлмат жылдардың құрбандары еске алынып, репрессия ұшыраған жандарға арнап құран бағышталды.

2023 жылдың 26 мамыр күні Қостанай қаласында алаш қайраткері, заңгер, ұлт әскерін құрушылардың бірі Сейдәзім Құлмағамбетұлы Қадырбайға арналған «Алаш ардақтысы Сейдәзім Қадырбай: тұлғасы, мұрасы, қайраткерлігі» тақырыбында халықаралық ғылыми-тәжірибелік конференция өткізілді. Конференция барысында Сейдәзім Қадырбайдың «Ақы заңы» шығармалар жинағының, Елдос Тоқтарбайдың «Алаш заңгері» атты бас форматындағы балалар кітабының тұсаукесері өткізіліп, Ұшқын Сәйдірахманұлы мен Ә.Байболдың «Ұлт рухының алдаспаны» атты деректі фильмінің таныстырылымы болды.

Арқалық қаласындағы Дала өлкесі тарихы облыстық мұражайының ұйымдастыруымен қалалық медициналық колледжде “Қазақстан Республикасының денсаулық сақтау ісінің үздігі” , “Алтын дәрігер” медалінің иегері, “Арқалық қаласының құрметті азаматы” , ренолог Мұхамедрахым Спандиярұлының 70 жасқа толуына орай “Адам жанының арашасы” атты кездесу кеші өтті.