Арқалық қаласындағы дала өлкесі тарихы облыстық мұражайының жаңа экспозициясының таныстырылымы өтті. Таныстырылым жұмысына қала әкімшілігі, мәслихат төрайымы, мәдениет бөлімдері басшылары мен қызметкерлері, мұражай басшылары, өлкетанушылар, АркПИ ректоры мен декандары, мұражайымыздың ғылыми кеңес мүшелері қалалық ақсақалдар мен аналар кеңесі т.б қаламыздың құрметті азаматтары қатысты.

2024 жылы ақпан айының 1 жұлдызында «Қостанай облысы әкімдігінің мәдениет басқармасы» ММ басшысы Атамұратов Құралбек Бүркітбайұлы мен орынбасары Сексенбаев Жанат Төлегенұлы Арқалық қаласындағы дала өлкесі тарихы облыстық мұражайында болып, музейде 2023 жылы өткен реэкспозиция жұмыстарымен танысты. Атап өтелік өткен 2023 жылы «Жанерке и К» ЖШС мұражай фойесі мен үшінші және екінші қабаттарына жалпы құны 147 616,0 теңге болатын реэкспозиция жұмыстарын жасаған еді. Құралбек Бүркітбайұлы жаңадан жүргізілген реэкспозиция жұмыстарына көңілі толатынын жеткізіп, мұражай ұжымына өз алғысын айтты.

1-қыркүйек “Білім күніне” орай Арқалық қаласындағы медициналық колледждің 1-курс студенттеріне “Музей және көркем өнер туындылары” мен “Бір жәдігер сыры” аясында экскурсия жүргізілді.

Арқалық қаласындағы Дала өлкесі тарихы облыстық мұражайында “Арқалық қаласы әкімдігінің мәдениет және тілдерді дамыту бөлімі” ұйымдастыруымен тарихшы Нарымбаева Амангелді Қасымқызының “Аркаим” кітабының тұсаукесері өткізілді. Тұсаукесер қала әкімінің орынбасары Мешітбай Қайыржанұлы жәнеде Алмагүл Сейітжанқызы, Бораш Қазбекұлы, облыстық кітапхана, Торғай гуманитарлық колледжі оқытушысы мен студенттері, музей қызметкерлері қатысты. Тұсаукесерде тарихшының өмірі мен еңбек жолы айтылып тағылымдық отырысқа ұласты. Және келушілердің барлығына кітап сыйға тапсырылды.

Арқалық қаласындағы дала өлкесі тарихы облыстық мұражайының ғылыми қызметкерлері Кейкі батыр атындағы мектеп оқушыларына Сұлтан Бейбарыстың 800 жылдығына орай “Сұтан Бейбарыс-түркі әлеміне ортақ тұлға” атты тақырыпта тақырыптық лекция өткізді.

1-қазан “Қарттар күніне” орай мәдениет саласында жұмыс жасап, зейнетке шыққан ардагерлерді құттықтау үшін Ә.Боранбаев атындағы кинотеатрда мерекелік іс-шара өтті. Іс-шараны ұйымдастыруға қалалық мәдениет басқармасы мен ардагерлер кеңесі және мәдениет сарайы ұйытқы болды. Музей саласында қызмет атқарған ардагерлер де, осы кештен табылды. Іс-шара соңы концерттік бағдарламаға ұласып,ардагерлерге ән мен би шашулар ұсынылды. Сонымен қатар барша зейнеткерлерге естелік сыйлақтар табыс етілді.