Халықаралық театр күніне орай Арқалық қаласындағы жасөспірімдер театрының бас суретшісі Еркін Ермекұлымен “Сахнаның сәнін келтірген" атты кездесу кеші өтті. Белгілі суретшінің еңбек жолы мен шығармашылығынан сыр шертетін көрме де кездесу кешінің төріне қойылды.

Мұражайымызда Ұлыстың Ұлы күні Әз-Наурыз мерекесіне орай “Тарихқа тағзым” күні аталып өтті.

Мұражайымызда ҚР мәдениет қайраткері, “Еңбек ардагері” медалінің иегері, Қазақстан Журналистер Одағының мүшесі, “Арқалық қаласының құрметті азаматы” Жақсылық Жүнісұлының 80 жасқа толуына орай “Қарымды қаламгер” атты кездесу кеші өтті. Кездесу кешінің шымылдығы қаламгердің шәкірті Мұрат Бекетұлының ұстазына деген құттықтау өлең жолдарымен ашылды.

14 ақпан күні «Қазақ Кеңес Социалистік Республикасының халық ағарту ісінің үздік қызметкері», Қазақстан Республикасының Президентінің Құрмет Грамотасының иегері, Қазақстан халықтары ассамблеясының мүшесі, Арқалық қалалық ардагерлер ұйымының төрағасы Жәнібек Ғапбасұлымен “Ұстаз ұлағаты” тақырыбында кездесу кеші болып өтті.

Арқалық қаласындағы Әнуар Боранбаев атындағы кинотеатрда Дала өлкесі тарихы облыстық мұражайының ұйымдастыруымен Қазақстан Республикасының Халық әртісі, Қазақ КСР-інің еңбек сіңірген қайраткері Әнуар Боранбаевтың 75 жылдығына орай “Актер тағдыры” атты еске алу кеші өткізілді.

Сәуір айының 3-ші жұлдызында Астана қаласындағы Қазақстан Республикасы Ұлттық музейінде халық батыры, 1916 жылғы ұлт-азаттық көтерілістің сардарбегі Амангелді Имановтың 150 жылдығына арналған «Батырдың биік тұлғасы: тарихы, зерттелуі, ақиқаты» тақырыбында республикалық ғылыми-тәжірибелік конференция өтті.